Skipulagsgerð

Skipulagsáætlanir eru langtímaáætlanir sem munu hafa varanleg áhrif á landnotkun, þróun viðkomandi sveitarfélags og rekstur þess. Þessar áætlanir eru mikilvægt stjórntæki sveitarstjórna. Það er því mikilvægt að slíkar áætlanir byggi á traustum grunni, góðum undirbúningi og öllum sé ljóst hver sé tilgangur og markmið skipulagsáætlana og vinnu við gerð þeirra.

Í vinnu við skipulagsmál sveitarfélaga hefur VSÓ Ráðgjöf lagt áherslu á:

• Fylgja kerfisbundnu ferli, sem tryggir yfirsýn, auðveldar ákvarðanatöku og að þær séu í samræmi við markmið sveitarfélagsins.
• Hvaða upplýsingaröflun er nauðsynleg (þarfagreining)
• Skilgreiningu á forsendum og markmiðum við gerð skipulagsáætlana
• Skilgreiningu á verkefninu, verklýsingu og verkáætlun.
• Samráð við mótun skipulagsáætlunar.
• Að tryggja að upplýsingar sem aflað er gagnist við ákvörðunartöku.
• Að tryggja yfirsýn yfir verkefnið og unnið sé kerfisbundið til að uppfylla markmið þess
• Að tryggja að sveitarfélög taki virkan þátt í áætlanagerðinni
• Samskipti og samráð milli sérfræðinga og almennings

VSÓ hefur unnið að gerð fjölda svæðis-, aðal- og deiliskipulagsáætlana. Oft eru þessi verkefni unnin í samstarfi við arkitekta og erlenda sérfræðinga.

Skipulagsmál eru víðtækur málaflokkur sem snertir á einn eða annan hátt flest það sem myndar hið byggða umhverfi sem við búum í. Vönduð skipulagsvinna felur í sér þverfaglega yfirsýn og getu til að fást við heildarmyndina og smærri einingar hennar á sama tíma. VSÓ Ráðgjöf hefur innanborðs þverfaglegt teymi sérfræðinga sem sinnir gerð skipulagsáætlana í víðum skilningi og í því felst sérstaða VSÓ. Með þverfaglegu teymi hefur VSÓ innleitt ýmsar nýjungar í skipulagsvinnu s.s. landgreiningu, kostnaðarmat á framkvæmd skipulags, notkun umferðarlíkans til að reikna út ýmsar afleiður skipulags, umferðarstjórnun, verndaráætlanir, yfirlit um þróun eftirspurnar og framboðs íbúða- og atvinnuhúsnæðis, og greiningu á þróun ferðaþjónustu og uppbyggingar í tengslum við hana í viðkomandi sveitarfélagi. Í teymi VSÓ eru m.a.:

• Skipulagsfræðingar og skipulagsverkfræðingar
• Jarðfræðingar og jarðverkfræðingar
• Sérfræðingar í frárennslis- og veitumálum
• Sérfræðingar í umferðarmálum, samgöngum og hljóðvist
• Sérfræðingar í umhverfismálum
• Hagfræðingar
• Landslagsarkitektar
• Umhverfis- og byggingarverkfræðingar
• Sérfræðingar í kostnaðar- og framkvæmdaáætlunum

Hér má finna dæmi um verkefni VSÓ á sviði skipulagsmála