Starfsfólk VSÓ óskar ykkur öllum gleðilegra jóla og heillaríks komandi árs, með kærri þökk fyrir samstarfið á liðnu ári. Skrifstofunni verður lokað á milli jóla og nýárs en hægt er að nálgast netföng og símanúmer starfsfólks á vefnum.

Skipulagsstofnun hefur lagt fram umhverfismatsskýrslu fiskeldis Geo Salmö í Ölfusi til kynningar. Skýrslan er m.a. aðgengileg hér á vefnum en frestur til að senda inn umsagnir um framkvæmdina og umhverfismat hennar er til og með 24. janúar 2023.

Stefnt er að því að innleiða hugmyndafræði hringrásarhagkerfisins í byggingariðnaði. Í nýútkominni skýrslu má finna leiðbeiningar um hvernig auka megi endurnotkun, enndurvinnslu og endurnýtingu með það að markmiði að minnka förgun byggingarefna og viðhalda verðmætum.

Fjöldi rafskúta í útleigu hérlendis fer vaxandi sem vekur spurningar um hvernig þeim skuli lagt þegar þær eru ekki í notkun. Fjöldi erlendra borga hafa tekist á við sama málefni og leyst með mismunandi hætti. Í rannsóknarverkefni VSÓ fyrir Vegagerðina voru þessar mismunandi leiðir kannaðar.

VSÓ veitti sjálfbærniráðgjöf í verkefninu en sérstaklega er minnst á þann þátt í mati dómnefndar þar sem fram kemur að ánægjulegt sé hvernig endurnýting og vistvæni er hugsuð inn í tillöguna, auk umfjöllunar um hvernig á að svara kröfu um BREEAM-vottun.

Niðurstöður mats á ástandi 168 biðstöðva um land allt sýna að á meirihluta stöðvanna er þörf á aðgerðum ef tryggja á jafnt aðgengi allra að almenningssamgöngum milli byggðarlaga. Gefin hefur verið út vefsjá og rannsóknarskýrsla þar sem fjallað er ítarlega um ástand hverrar stöðvar.

Meginmarkmið verkefnisins er samanburður á ferðavenjukönnun ársins 2019 við eldri kannanir. Niðurstöðurnar gera fólki kleift að fylgjast með þróun og breytingum á ferðavenjum og kom m.a. í ljós að á milli ára hefur fjölgað í hópi einstaklinga á aldrinum 60+ sem fara engar ferðir yfir daginn.

Á Rannsóknaráðstefnu Vegagerðarinnar var verkefnið „Deiliskipulag þjóðvega í þéttbýli“ kynnt. Færst hefur í vöxt að deiliskipulag sé unnið fyrir vegsvæði, samhliða auknum kröfum um nýtingu ólíkra samgöngumáta á vegsvæðum sem og samráð og upplýsingagjöf um framkvæmdir almennt.

Starfsfólk VSÓ og fjölskyldur gróðursettu í haust 72 nýjar plöntur í trjáræktarlundi við Reynisvatn, sem er liður í átaki VSÓ við að draga úr kolefnisspori vegna starfseminnar. Sex ár eru síðan gróðursetning hófst og gaman er að sjá hve vel þær fjölbreyttu tegundir sem plantað hefur verið hafa dafnað.

Ný tvíbreið vegbrú er í byggingu yfir Stóru-Laxá, á mörkum Hrunamannahrepps og Skeiða- og Gnúpverjahrepps. Undirstöður voru steyptar í júlí en framundan er að steypa brúardekkið sjálft, sem er 145 m. langt. Dekkið verður steypt í einu lagi og mun steypuvinna standa yfir samfleytt í 36 klst.

VSÓ gerði nýverið slysagreiningu á mismunandi úfærslum varinna vinstri beygjufasa á ljósastýrðum gatnamótum. Niðurstöðurnar gefa m.a. til kynna að betra öryggi fáist á fullvörðum gatnamótum, þar sem báðir vegir sem að gatnamótunum koma eru varðir.

Starfsfólk VSÓ, ásamt fjölskyldum, fóru nýlega í skemmtilega göngu í frábæru veðri á Grænahrygg. Gangan gekk í alla staði vel, þrátt fyrir krefjandi gönguleið sem ýmist liggur upp eða niður í móti og á köflum eftir mjóum stígum með brattar hlíðar til beggja handa.

Handbók um framkvæmd úrgangsstjórnunar hefur verið gefin út og birt á vefsíðu Umhverfisstofnunar. Um er að ræða vegvísi sveitarfélaga í úrgangsmálum sem fjallar um leiðir að markvissri og bættri úrgangsstjórnun í samræmi við markmið um innleiðingu hringrásarhagkerfis.

Í vikunni lauk VSÓ vinnu við skemmtilegt verkefni hjá Reykjavíkurborg við landslags- og verkfræðihönnun við Hverfið mitt 2021-2022. Við áfanga er gott að fagna góðu verki, sem var gert með köku skreyttri í anda verkefnisins.

Eftir því sem við áttum okkur betur á áhrifum okkar á jörðina hefur nauðsyn þess að draga úr umhverfisáhrifum og aðlaga okkur að loftslagsbreytingum orðið brýnni. Græna leiðin felur í sér vistvænar og hagkvæmar lausnir sem lágmarka kolefnislosun, auðlindanýtingu og úrgangsmyndun.

Nýverið var úthlutað styrkjum úr rannsóknarsjóði Vegagerðarinnar og hlutu sjö verkefni frá VSÓ styrk úr sjóðnum. Verkefnin snúa m.a. að umferðarljósastýringum, greiningu á ferðavenjum og áframhaldandi þróun á samgöngulíkani höfuðborgarsvæðisins.

Aðstöðustjórnun er ný þjónustulína hjá VSÓ Ráðgjöf síðan vorið 2021. Ráðgjöfin snýst um aðlögun vinnuaðstöðu og þjónustuþarfa hennar að kröfum kjarnastarfseminnar og starfsfólki fyrirtækja.

Markmið verkefnisins er að skoða hvort hægt sé að hanna og reisa Hringrásarhús á Íslandi, en fyrirhugað er m.a. að 90% af byggingarefnunum verði endurnotuð eða endurnýtanleg. Við erum ákaflega þakklát fyrir styrkinn og væntum þess að verkefnið muni auka þekkingu á þessu sviði.

Fyrirhugaðar eru gagngerar breytingar á Hlemmtorgi og nánasta umhverfi á næstunni og munu framkvæmdir hefjast bráðlega. VSÓ sér m.a. um gatna- og stíga- og veituhönnun í verkefninu ásamt samræmingarhönnun og hluta yfirborðshönnunar.

VSÓ, fyrir hönd Vegagerðarinnar, vinnur að frumdrögum vegna breikkunar Vesturlandsvegar frá Hvalfjarðargöngum að Borgarfjarðarbrú.  Í nýrri vefsjá má skoða fyrirhugað framkvæmd og senda inn ábendingar sem fylgja munu frumdrögum inn á næstu stig hönnunar.